الواقع الافتراضي و التصميم

 الواقع الافتراضي تجربة جديدة علينا و واحد من أهم المشاكل اللي هتقابلنا كمصممين هي ازاي هتعلم المستخدم يستخدم الميديا او يتصفح المحتوى بتاعك من الاساس، 

هتعلمه العمليات الاساسية اللى هيستخدمها عشان يستكشف المحتوى الخاص بك زي الscrolling او التحرك في المحتوى بشكل عام . 

سواء كان تطبيق لفندق مثلا والمستخدم بيستكشف فيه الغرف اللي يقدر يحجزها من خلال الVR أو برنامج سياحي او غيره.

أيام زمان في بداية ظهور الdesktop كان لازم تعلم الناس ازاي يستخدموا الماوس عشان يتصفحوا المحتويات ، نفس الكلام بالنسبة للVR هتضطر تعلم الناس الاساسيات للاستكشاف من الاول ، ولازم تعلمهم ازاي يستخدموا الواجهة الخاصة بيهم.

والصعوبة هنا بتتمثل في ان الVR معقد اكتر وفيه مساحة حرية أكبر، بدل مانت كنت بتتصفح على شاشة دلوقتي انت بتستكشف في 3 ابعاد.

لازم تعلم المستخدم ازاي يتنقل بحرية ولازم تكون الطريقة سهلة وعملية،

كمان شكل الواجهة UI هيستخدمها ازاي،

دا طبعا قبل مشاكل البرنامج نفسه او الخدمة اللي انت بتقدمها في الVR.

حاجة كمان ان الVR لسه مفيش اساسيات متعارف عليها او standards للتصفح

زي مثلا لما بتحتاج تقرب الصورة اوzoom in بتلمس الشاشة بصابعين قريبين من بعض وبتبعدهم عن بعض، لسه الكلام دا محدش اتفق عليه في الVR ولسه التصميم في اوله فدا وجه من اوجه التعقيدات.

وهنا الاختبارات مع المستخدمين بتكون ذات أهمية قصوى.

لازم تجتمع مع المستخدم وتديله مهام يعملها في الVR وتشوف هل هيقدر يعملها من خلال واجهتك وتصميمك ؟

هل الموضوع ممكن يكون اسهل من خلال تصميمك؟ وايه اختيارات التحكم اللي ممكن تضيفها او تعدل عليها.

Reference: https://www.nngroup.com/videos/virtual-reality-and-user-experience