ايه هى أكتر تحديات فى التصميم مقدرناش نلاقي ليها حل لحد دلوقتى ؟

ايه هى أكتر تحديات فى التصميم مقدرناش نلاقي ليها حل لحد دلوقتى ؟
أولاً: أجهزة الكمبيوتر 
على الرغم من استخدام أجهزة الكمبيوتر وتقدم التكنولوجيا إلا إنها لسة بتعتبر معقدة جداً، ناس كتير لحد الآن مش بيقدروا يستخدموا كل خصائص البرامج إلا السهل والواضح منها.
واحنا بنعتبر دا فشل لحد دلوقتى خصوصاً ان الدراسات بتوضح انه 5% بس من الناس هما اللي بيقدروا يستفيدوا بشكل كامل من مميزات أجهزة الكمبيوتر ويحلوا المشاكل اللي بتقابلهم، وال95% لسه بيقدروا بالعافية انهم يعملوا مهمات بسيطة جدا.
دا بالظبط اللى الusability بتتمركز عليه، هل كل المستخدمين بيقدروا يعملوا كل المهام ؟ هل بيقدروا يستفيدوا الاستفادة الكاملة من كل المميزات اللي في التصميم ؟
الغرض الاساسي من اختراع أجهزة الكمبيوتر عموماً كان انه يسهل على الناس حياتها، التكنولوجيا موجودة عشان تزود كفاءة الفرد، لو التصميم محققش الهدف دا فهو بيفشل.
ثانياً: استخدام تصميم الموبايل على شاشة ال PC.
من 10 سنين كنت لما بتدخل على أى موقع من الموبايل كان بيجبلك نسخة الweb، و كان الموضوع بيبقى صعب جدا انك تتعامل مع نسخة الweb على شاشة الموبايل
بالذات في شاشة اللمس لإن الأيقونات والزراير بتبقى صغيرة جدا، وبتبقى محتاج عدسة تكبر الشاشة او بتلاقي الدنيا مش واضحة والخط صغير.
.لكن على العكس دلوقتي مواقع كتير لما بتدخلها بتلاقي انه بيعرضلك تصميم الموبايل على شاشة الكمبيوتر
تخيل انت تصميم موبايل المفروض بيتعرض في 6 بوصة بقى بيتعرض على شاشة 24 بوصة!
لما يكون عندك شاشة كبيرة لازم تعمل تصميم على اساسها، ادعم التصميم الخاص بيك بمميزات اكتر، حاول تستغل الامكانيات الزيادة واللي مكانتش موجودة في تصميم الموبايل.
لأن زي ما قولنا ان نقطة الفشل هى ان احنا لسه مش قادرين نستفيد من التكنولوجيا بالقدر الكافي لحد دوقتي.

Leave a Reply

Your email address will not be published.