هل الanchoring وحش ؟

انت رايح تشتري قميص مع ست الحبايب كدا ودخلت محل ولقيت الراجل كاتب 500 جنيه ومشطب عليها وكاتب تحتها 300 جنيه انت لو مش عارف اسعار القمصان دماغك بياخد القيمة الحقيقية للقميص انها 500 جنيه وهي دي اللي هنسميها الanchor اللي صاحب المحل بيستخدمه عشان يخليك تدي قيمة وهمية للقميص اما صاحب المحل شطب وكتب 300 فانت كدا هتحس ان القميص دا رخيص دلوقتي والخصم جامد وانك هتشتريه وهي دي قيمة الanchor .

كل يوم في حياتنا بنستخدم الanchoring بل و عندنا الاف والاف من القيم اللي احنا بنحددها في دماغنا من غير اي معلومات مسبقة غير معلومة صغيرة جدا 

والمعلومة دي هنسميها الinitial value الAnchoring هي طريقة مختصرة دماغنا بيستخدمها كل يوم لما ميلاقيش معلومات كافية يتعامل بيها وعشان يسهل التفكير شوية .

وهتتفاجئ ان الدماغ ممكن ياخد حرفيا أي حاجة كinitial value ويستعملها حتى لو ملهاش علاقة وممكن حتى اي حد في الsales هو يحطلك القيمة دي من عنده عشان يغير تفكيرك ويخليك تشتري المنتج اللي بيبيعه

الحقيقة لا مش وحش على طول ومش حلو على طول لانه بيريح الدماغ من حسابات كتيرة في التخمينات ومش حلو على طول لان زي ماقولنا ممكن انت تاخد اي قيمة تبقى قيمتك الابتدائية مع انها ملهاش علاقة وتبوظلك النتيجة اللي انت عايزها وهنا بقى لازم ناخد بالنا عشان منقعش في bad anchors على طول وفي نفس الوقت نستغل قوة الanchors في اننا نسهل عاليوزر العملية اللي هو بيعملها ونوفر عليه وقت التفكير بل وتزود الارباح.

ومن الطرق دي ان احنا دايما نحط initial values معقولة وواقعية ومتخليش اليوزر يفكر كتير، وعشان كمان نخلي الanchor بتاعنا يبقى قريب من الاجابة الصح نحاول ندور على معلومات نقدر نجيبها او الخبرات بتاعتنا وندخلها التخمين

زي مثلا لما روحنا نشتري القميص مع ست الحبايب والراجل قالك انه ب300 جنيه طبعا الحاجة من خبرتها واللف بتاعها قبل كدا هتكون حاطه anchor واقعي اكتر للقميص بل وهيعود عليها بالنفع هتجيبلك القميص ب150 جنيه وهي دي قوة الanchors في حياتنا احنا كل يوم بنستخدم الanchors في حياتنا عشان تسهلنا حاجات كتير جدا بس في نفس الوقت لازم نقعد نغيرها عشان منقعش في خطأ التخمينات البعيدة او الغير منطقية الanchor في UX مهمة عشان تسهل حياة اليوزر والcycle بتاعته أما بيستخدم الapp وفي نفس الوقت مهمة للemployer عشان بتحققله ربح أعلى في الapp بتاعه.

Leave a Reply

Your email address will not be published.