متبعدش عن توقعات المستخدم

جيكوب نيلسون بيقول دايما : الناس بتقضى وقت كتير على مواقع تانية و بتكون مفهومة ليه.

فالشاهد اننا لازم نستفيد من طريقة تعامل المخ مع البديهيات فمنخليش الدماغ تقكر كتير في كل حاجة في الابلكيشن بتاعك.

في مجمل التصميم ، متبعدش عن توقعات المستخدم اوي، مثلا: معظم التطبيقات ال Refresh بيبقى بswipe down من فوق ، لو عملتها مثلا ب swipe up من تحت، المستخدم مش بياخد باله في الاول وممكن دا يؤدي انه ماحققش استفادة كاملة من التصميم الخاص بيك او ما وصلش للمضمون اللي عايز انه يوصل.

تجربة المستخدم الكلية مش مقتصرة على موقع واحد، لكن كل موقع وليه مزاياه الخاصة بيه .

مش هينفع تصمم المنتج الخاص بك مشابه لمنتج تاني لمجرد انه ناجح والمستخدم بيحبه

لأن كل منتج وله الهدف الخاص بيه والمستخدمين اللي يختلفوا ويتنوعوا بين منتج والتاني، وإلا كنا ليه هنحتاج مصممين لما كلنا هنصمم نفس الشيء من تاني ؟

والعبرة هنا اننا بنتكيف مع الاحتياجات الخاصة بالمستخدم وبنضبط على أساسها التصميم،

حاول تصمم وتبدع في تفاعل البرنامج مع المستخدم و طريقة العرض وخلي بالك: إيه اللي المستخدم مستنيه لما يضغط في مكان معين أو يعمل تصرف معين وما تبعدش عنه.

المستخدم مش محتاج تعقيدات انه يفهم مبادئ جديدة في التصفح او يفهم طريقة جديدة عشان يستخدم البرنامج الخاص بيك، انت محتاج أهم حاجة إنك توصَّل المتسخدم لهدفه وهدفك .

Reference:

https://www.nngroup.com/…/jakobs-law-internet-user…/

متبعدش عن توقعات المستخدم

82 Comments

Leave a Reply